从增城和从化的房产不可以落户 看缺位的撤市设区归属感

小乐

2014年广州市积分制入户工作将于8月1日正式启动，不过，增城从化嘅房产不可以落户。我关注嘅重点唔系积分入户，而系广州市每次出新政策都会将从化、增城排除在外，以前系因为呢两笪地方属于广州辖市，但系今年2月开始撤市并区，点解广州市嘅政策仲会对呢两区“网开一面”呢？唔通就因为呢两个地方系郊区？

查实，不但有关部门区别对待增城、从化，连呢两个地方嘅本地人可能都未曾将自己当成广州人，所以每次广州市实行新政策而将增城、从化排除在外时，呢两地嘅市民都唔觉得有乜嘢唔妥。之所以会咁，应该同其地理位置有关。增城、从化分别于1993年、1994年撤县设市，然后一同于今年2月撤市并区。增城、从化好大，呢两个地方加埋嘅面积，差唔多等于广州其他十区嘅总面积了。

呢两个地方也离十区好远，揸车都要成个钟，加埋城市建设要落后于市区好多，农业、旅游业发达，所以始终好难令人将之同繁华嘅广州市区联系起来。有同样处境嘅仲有南沙、番禺、花都，呢几个地方嘅本地人好多都唔觉得自己系广州人，对外自我介绍也讲“我系番禺人”之类，而唔会讲“我系广州人”，似乎对广州冇很深嘅归属感，唔知呢算唔算一个城市太大的副作用呢？