增城本地白话翻译大测试之《阿妈闹仔记》

黄文欣

增城本地白话翻译大测试之《阿妈闹仔记》：


生着你旧叉烧就认真家山发啰！书又唔好好读，年年包尾，衰到贴地加零一！唔系打机就系沟女，群埋d鬼五马六嘅契弟搞搞震！高中都读唔完就话出嚟做生意，点知一个屈尾十就话泄清光。日日踎响屋企打趸，又唔揾嘢做，仲成日摊大手板。好心你生性啦，老妈子唔系十万百万未开头啊，养唔起你咁大只陈村种啊！人哋街口士多个低b仔，看单车都个个月有钱返屋企，你唔系咁都执输过人啊？！听日好同我死去人才市场见份工返嚟啊，骑牛揾马都做住先，我冇咁多闲米养闲人啊！

以上短文请译成国语。其中有不少增城本地白话特色词汇，请分别解释原意。

01.叉烧       02.家山发       03.贴地          04.加零一
05.沟女       06.鬼五马六   07.契弟          08.搞搞震
09.屈尾十   10.打趸          11.摊大手板   12.十万百万未开头
13.陈村种   14.低b仔        15.执输          16.骑牛揾马