风景宜人 踩单车游览增城市正果镇湖心岛

嫻籽

琴日约佐左班friend去正果镇湖心岛，全程单车游，因为队友大部分迟到，差唔多11点先出发，7个人系湘江路出发，行噶系增正路（增龙路？我都唔知叫咩，就系体育馆边往正果方向啦）我先踩过一次到莲塘噶短途单车旅，后果系个脚痛佐2日，
今次行哩条路，半个钟唔够就见攰了，觉得好远啊......

踩佐2个钟先到正果市区，因为修路，路上好多石子，灰尘又大，行到正果市区仲严重，d尘，犀利过咩咁。系坤记解决佐午餐，额，其实我觉得，坤记馄饨同增城某些店噶馄饨无咩差别，但依然好多人专登过来正果吃~做佐咁多年，已经系正果噶生招牌~吃完馄饨去佐湖心岛，无咩好睇，就系风景靓d，停留佐20分钟就闪人了，纯粹就系到过就算，哈哈~返阵时行噶系正果噶绿岛，完全无人行，得我地7个骑住部单车仔过，可能就系因为无咩人行，绿道上积聚佐好多树叶同泥沙，感觉同莲塘果边差好多。

正果条绿道好长啊，越行越荒芜，感觉好似入佐深山，我地都以为行错路，好彩唔系。踩到死死下先到麦村个渡口，单车同人一并搭渡轮过河，上岸后又系小楼噶绿道，沿住绿道行终于翻到增城，廖村地段维修紧电力工程，封佐条路，唔知前面几百米远有无维修封路，绕道航行噶指示牌，我地就无见到，兜佐个大圈先落到湘江路。

正所谓有咁风流就有咁折堕，依家系有咁多滑坡就有咁多上坡，全程咁多公里，大大细细噶斜坡好多，前面仲有力气踩上去，后面噶每见一个上坡都要落车推上去，今日我自己都唔知行佐几多i路，感觉系兜佐小半个增城，增城-正果-湖心岛-正果绿道-增城绿道今日噶运动量系我今年噶总和，好似无佐半条命咁，好攰好攰，天日个脚可能都会瘫噶了.....累累累.....