增城市增江街劳教所实训经历

       在增城市5月11日至5月22日为期12日嘎实训结束了！系度同大家分享一下呢两个星期我系劳教所嘎少少经历，以及比你地了解一下劳教所入边嘎一d基本情况.. 首先要简单介绍一下我地实训嘎地方——增城劳动教养所！创建于1950年6月，是广东建所时间较早的一个劳教场所，2007年6月被命名为省级现代化文明劳教所！2008年6月1日，《中华人民共和国禁毒法》正式实施，同年，增名为强制隔离戒毒所！衣家所入面大概有1700左右学员，包括500几名劳教学员，其余都系强戒学员！一年内劳教学员都会解教离开呢个地方，以后送入黎全部都系强制戒毒噶.

 

(本文作者的自拍照)

       首先交代一下我地嘎生活环境！由于无空余宿舍，所嘎领导只能临时腾空几间车队办公室比我地住！按学号我被分到二楼10人宿舍，入边只有10床而已，冲凉、洗衫、去厕所都要上三楼！一到晚黑，d蚊都出动，蚊香也起唔到咩作用，仲有各式各样嘎虫飞入黎，不过我地都唔点怕！一日三餐，早餐2蚊，午餐5.5蚊，晚餐4.5蚊，无得比你拣，所有人都系要吃同一样嘎餸菜！到步果几日，天气又热，又无风扇，又多蚊，又要争冲凉，又吃得唔系咁好，生活条件有点艰苦！但系作为男生，我地都尽量克服左种种困难，因为明白到毕竟呢次系实训，而唔系度假..

          再讲讲我地嘎工作环境！所入边又系按大队管理噶，有八个大队，我地22个男生平均有3个人落一个大队，按学号我被分到六大队！系遵守劳教所嘎规定下，每个大队嘎管理手段、生产安排都会有所不同！而且也唔允许任何人带手机入所，里面系半封闭式管理噶..

          早上8点半到12点，下昼2点到5点，系车间协助干警管理学员，有时做下聆听者；轮到要上夜班嘎话，晚黑6点半到9点半去院区监控室值班，去宿舍区查铺！平时唔洗上夜班嘎话，晚饭后就去职工之家踩单车机，打乒乓球，打桌球！临训前，除非系网络问题，都会系qq空间度写翻个日记先训！我基本每日都系按咁嘎模式过噶，初步体验到干警们所讲嘎单调、枯燥生活..

          其实我系车间都无咩野做，经常都系行行企企，监督下学员们劳动，有时就带下病号去所里面嘎医院睇病！因为我所在嘎车间系度装修梗，油漆味、刺耳嘎切割声，所以令人几难受！而每到早上9点、10点，下昼3点三个时段，都系放风比学员吃烟嘎时间，对距地黎讲，可能比吃饭更重要！或者系吸毒导致体质弱，或者系心瘾作怪，距地经常会问干警罗药，有d学员唔理系咩药，你有得比距吃就得了！我总结出学员中有三类人：勤力、负责，例如“三大员”；随大流，捱日子；古惑，专搞小动作！

           距地会叫我地做队长或者管教；我地会叫距地做学员！接触过先发现，距地无我之前想象中咁可怕；对于距地黎讲，我地就系权威！距地要蹲下同我地说话，就连去厕所都要同我地打报告；我系车间过道巡视嘎时候，距地只能靠边企等我通过先！总之，我地系负责落命令噶，无论我地要距地学员做乜野，距地都只能按我地嘎要求去做！

          表现好嘎学员可以奖励加分，表现差嘎学员就要惩罚扣分！我一直都同学员保持住距离，因为我知道，距地所讲嘎好多说话都系假噶，唔可以完全相信！同三水嘎女所唔同，呢边嘎主要任务就系生产，好少深入关注到学员嘎心理状况，落实心理矫治工作难度唔细！

            有几个系我地学院毕业嘎师兄都系呢度做左干警，我听距地讲左好多现实嘎事情！系学校读书同出黎社会工作嘎区别好大，同领导饮酒吃饭嘎时候就能感觉到，学识做人比做事更加重要！虽然今次实训嘎时间好短，也好似无做过一d实质嘎事黎，也无运到心理疗法对学员进行心理矫治，不过都增长左见识，学到唔少东西！正如有人同我讲过，唔系每个人都有机会系呢d地方工作过，所以呢次实训系我人生中一次难得嘎经历.奉劝各位千其唔好掂毒品,一但掂左就好难再翻转头,人生基本上就咁玩完！

 

注释：1.被判入劳教所嘎人，我地一般叫距地为学员；被判入监狱嘎人，我地先可以叫距地为犯！
 2.学员吸毒被判劳教嘎期限一般为2年，不过有唔少学员解教无耐又再复吸被判入翻黎！
3.三大员，简单d讲就系学员中比较好噶，实行自我管理，负责协助干警做好纪律、生产、生活三大方面！
4.学员要蹲下同干警说话，既表示对干警尊重，也使干警系遇到突发事件果时可以有时间作出反应！